「婚姻這種邪教」舞台劇嘅感覺

朋友約去睇改編自史兄嘅《婚姻這種邪教》舞台劇，身為毒男當然義話不說就答應去睇。不過睇之前都問朋友借左本《婚姻這種邪教》來來睇先，打定個底。因為真係未睇過呢個高登名故仔，唉好耐冇睇高登。（謎之音：真係架！？）

 真心覺得原文好過舞台劇，舞台劇個感覺太斷斷續續啦。原著本身都係好斷續，只不過睇文嘅時候唔會咁覺，即係轉眼間又可以成年。在同一場酒樓場境中都斷開左三段，用黑幕同「登鄧凳」過段，自感節奏太慢、有啲冷場。

演員盡心盡力嘅演出，特別演Joyce那位演出浮誇嘅真心哭唱K。或者為就舞台嘅年齡尺度，冇咗種仆街、抵死、賤格嘅感覺。同原文比演得唔夠盡唔夠仆街。

睇果時始終唔明點解演員一講粗口就笑，有啲位跟本唔係笑位，係劇情需要用嘅感情位。

劇情？唔洗講啦，自己睇史兄嘅文。認同史兄啲野？哈哈～你話呢？